La Storia del Piròn S4:E6

Caro Dino e caro ometo, el nome piron gà n’origine greca: dal greco antico perein al greco attuale piroùni. La storia la narra che nella Repubblica Serenissima un doge Venesian, tale Domenico Selvo, al potere dal 1071 al 1084, gà tolto in sposa na certa principessa Teodora, fiola de Costantino de Costantinopoli, che adeso se ciama Instanbul perché la Serenissima commerciava co tuto el Mediterraneo. Sta Teodora a l’era famosa par el so far da siora. La se lavava con l’acqua de rugiada, che i so servi i catava su in quantità sufficiente par farghe el bagno. Le so camere iera profumé de mile incensi. La se fasea taiar dei tochi picoli de cibo dai so eunuchi, e la si è portava ala bocca con dei bei pironi a tri denti. Co la ga savesto che la doveva sposar un Doge, i ga dito che i Veneti i magnava ancora co le mane. Alora prima de partir la ga fato un fagoto de pironi e la ia porté a Venesia per ensegnarghe a magnar pulito a sti venesiani. La ga sconvolto i veneti col so far da principessa e co tuti sti pironi. Ma la ga sconvolto anca el Papato che l’era a Venesia, perché al Papato no i voleva che se doparese sto strumento del diaolo, el piron, par portar el cibo ala boca, parché in Grecia col tridente ghera Poseidone dio del mar, na divinità pagana! Ma i Venesiani, Papato o no, no i era imbambiti e i ga visto che l’era pi comodo magnar col piron che cole mane. Dopo è rivà anca el Papato che el ga deciso de far quatro ponte, ciamandola forcheta parché la parea un forcon, e da lì la forcheta la sa diffusa nel resto dela penisola. Piron a Venesia, forcheta dale altre bande; de fati se pol dir forchettina, forchetta, forca, forchettone e forcone dal latino furca. Mentre piron no ga diminutivi o accrescitivi: pironsin, pironson no se ga mai sentio dir. Eto capio la storia? I Veneti iè stè i primi a magnar col piron quando nel resto dela penisola i magnava el bolito cole mane onte!

Utilizzando il sito, accetti l'utilizzo dei cookie da parte nostra. maggiori informazioni

Questo sito utilizza i cookie per fonire la migliore esperienza di navigazione possibile. Continuando a utilizzare questo sito senza modificare le impostazioni dei cookie o clicchi su "Accetta" permetti al loro utilizzo.

Chiudi