Il Burian: la verità (Dino da Sandrà e Meteo Caprino Veronese) S4:E4

Quarto filmato della quarta serie del Dino da Sandrà

D: Ciao Meteo
M: Ciao Dino, perché seiteto a vardar fora dalla finestra?
D: Son chi che speto el Burian
M: Dino… no per deluderte… ma varda che el Burian non l’ariva mia. Ma se te si drio spetar un po’ de fredo per farte el giasso per el Mojito non sta preocuparte perché quel l’ariva
D: Come no riva mia el Burian? I l’hà dito fin ai telegiornali!!! Vuto dirme che i ha dito na cassada?
M: Dino e mi che te crea enteligente envesse te ghe crede a tutto quel che dise i telegiornali!!!
D: Dai Meteo non sta far el cagacassi e dime la tua!
M: Alora Dino, el Burian non l’esiste mia… esiste la Buriana chè me nona la le doperava per dir
che ariva acqua e vento o per dirme che era scalmanato. Caso mai esiste el Buran…sensa la "I".
D: Eh maria per una "I" tutto sto casin… te si peso della signorina Rottermayer de Heidi.
M: Ma alora non te me ascolte mia… ho dito che caso mai esiste el BURAN…ma quel l’è el nome de un vento che soffia solo tra Mongolia e Russia.
Qua da noialtri quel tipo de vento el se ciama Bora.. e così dovemo ciamarlo. Te emmegineto se doman nemo en meso alle pianure Russe e al primo contadin che vedemo ghe disemo… “eh moro arda che doman ariva
la Bora”… El Russo prima el ne domanda se semo stupidi, dopo el ciama Putin che subito el ghe cava l’amicissia da Feisbuk al Berlusca e secondo el ne tira un missile!!
D: Quindi sa ariva…scusa ma me’ vegnuo el mal de testa a starte drio. Te parle massa forbito per mi che sono un semolotto.
M: Ah guarda de semolotti semo en dù seto!! Comunque ariva el fredo accompagnà dalla BORA
che l’è el nome giusto per ciamar sto vento fredo…se no spiegame perché da noialtri disemo che ghe Sboro quando ghe fredo?? Miga disemo che ghè SBURAN o SBURIAN no !!
D: Ah casso te ghe reson…no gavea mia pensà…quindi en pratica l’è el modo sbaglià de ciamar un vento che se ciama BORA.
M: Si esatto…magari l’è un peccato veniale…ma mi che sono pittimo me piase esser preciso
D: Va bon Meteo alora seto sa femo en attesa del giasso per el mojito ne bevemo na bireta fresca da frigo
M: Si dai e brindemo alla Bora che se no la se sente discriminà!