Spritz
Da Wikidino
El Spriss l'è una tipica bevanda Veneta le cui origini le se cata a Venesia nel'800. Qua te pol leser storia informasioni e carateristiche del spriss.
Interesante el resoconto del ilustrisimo prof. Tano Graspa che ha condoto un studio sul spriss, coredà da foto, grafici e seguìo da longhi dibatiti.
"Son rivà Padova in treno partendo da Sisàn, col regionale dele 18:00 e rivà in Piassa Erbe ale 18:20 pronto per el primo spriss dela giornada. I me studenti i se dimandarà: parché Padova? Ghe rispondo: Padova no l'è l'origine del spris ma sensa dubio, esendo cità universitaria rica de aperitivi, l'è una dele magiori consumatrici e merita de esar esaminà per capir le dinamiche presenti, pasate e future de questo tipo de bevanda.
Ma prima ancora del Spris so stà atirà da un bancheto coi folpeti in Piassa Erbe. Orco can diese euro per du bestiole anfibie taiè nel piato e piene de scrementi! Ben però d'altra parte i podaria dir: spara de cromparle se no le te piase. Finchè ero distrato da codesti pensieri el Nico Girandola l'è tornà con du spris.
L'ariva tuto triste e perpleso come el folpeto che gò nel piato.
- Questi spris no i me convince. I me la fati massa in pressia. Massa veloci.
- Controlemo!
La scoperta l'è stà traumatica: el spris del bar de drio ai folpeti el vegnea fora da una spina nela bote de fianco a quela dela bira. El far circospeto dele butele che spinava - e el fato che la spina la fusse sconta in un angolo buio del bar - me fa capir che la facenda la spusava de ciavada. E infati.
I spina el Spris de scondon
- Proen a nar al Nasionale. E veden se anca là i gà el spris nel bidon.
Ordinen en spris sentè al taolo.
- Scusa cameriera dala bela canotiera. Ma el seto che nel bar de là i fa el spris ala spina?
- Certo. Anche noi!
- Cooooosssa?
- Ben sì, quando ci sono tutti questi clienti, per non perdere tempo lo prepariamo pronto. Ma lo facciamo noi, eh!
- E se vegnen a berlo al banco?
- Ve lo facciamo al momento. E' più che altro per i clienti seduti ai tavoli.
- Cooooosssa?
El Girandola el varda el Spris ala spina
Ben dopo el secondo spris sen abastansa lanciati verso la continuasion de questo sondagio. Mi e el Nico nen al bar dele Rumene, soto i portici (a agosto tanti bar i è serè, meio cosita senò tornaresene a casa strisiando come un gato sensa gambe).
Lì i le fa al momento. Sì ma no l'è un gran spris.
- Scusa cameriera dala bela canotiera. Ma el seto che nei bar de là i fa el spris ala spina?
- Che schifo!
Sì no l'è un gran spris ma almanco le rumene le ga meso impegno.
Apurato che el spris nel bidon l'è una roba normale nei bar de Padova (e che par che el sia fato in casa, e no quel dela petision del Dino) tornen nel primo bar. Quel drio ai folpeti. Ok l'è fato nel bidon. Ok no l'è fato al momento. Ma almanco - ghè rento l'Aperol? Magari col'Aperol i ne ciava che ormai ghen la boca un po' impastà, proen col Campari, che l'è riconosibilisimo.
- Un spris al Campari
- Subito
- Ma lo fate ala Spina?
- Sì
- Ma elo Campari?
(la paròna la taca a vardarne come se varda un stronso lasà lì postà de sbiego sula turca da un cliente poco educato)
- Certo
Ben ve giuro che no l'era Campari, l'era qualche siropo disgustoso tirà fora dai banchi pì sconti dela Lidel.
Ormai l'en ciapà bastansa in quel posto. Resta un ultimo tentativo, prima de nar a casa a dormir (co sto caldo i spris i è drio evaporar portandone via tute le forse residue).
Al Bar dei Cinesi!
- Da dove vieni?
- Da Chiuchuan, Cità Cina molto glande. Ihihihi.
- E lo spris non lo fai ala spina?
- No no ihihihi
- Sei sposata?
- Sì ma con Cinese pelò ihihihi.
Ben volì saver la beffa? El spris meio che en bevuo l'era quel dei Cinesi in Piassa Erbe. Certo se te ghe dimande lo spris dela casa i te rifila un bearon fato de gin liquori assenzio che dopo averlo bevù te pense anca ti de eser diventà cinese, tanto te se struca i oci e la masela.
Ma el spris al'aperol dei cinesi l'è el meno peso che en bevuo.
Che tristessa butei!"
Tano Graspa, profesor in arte culinaria e enologica
