Pearà

Da Wikidino

"Brodo, miòla, pear e pan gratà questa è la riceta per fare la pearà"

La pearà l'è la salsa preferita dal Dino da Sandrà, ma ciamarla salsa l'è ridutivo. L'è perfeta col bolito, col codeghin, col crén o anca da sola.

La legenda la conta che a Verona, nel 572 dopo Cristo, Alboino el ghea fato bear ala moier e regina Rosamunda del vin Valpolicela Superiore nel cranio de so pupà (de ela). Sicome a Rosamunda ghe parea bruto bear el vin coi osi suti - e gnanca na feta de lengua, la gà domandà al marì de preparar na salseta almanco per sorar el figà.

Questa la legenda.

La realtà l'è che na matina del 412 avanti Cristo en bisbistrisavolo del Dino da Sandrà, vardando de catar calcosa per far colasion dopo la bala del dì prima e avendoghe a disposision solo pan duro, pear, osi de mas-cio e na galina che girava par casa, l'ha pensà ben de inventarse la Pearà. E da lì l'è stà subito storia.

Magnà la galina, l'è nà en serca den bel porseleto (el ghe l'ha ciavà dal recinto del Tano Graspa) e da lì è nato el binomio "codeghin cola pearà". E anca ades i Amici del Dino i se cata a Nadal, a capodano e anca a Feragosto a magnar bolito cola pearà.

La Pearà la va sempre compagnà con vin bon

Filmato dela riceta dela pearà

I Castion Boys i canta la pearà

E qua le foto de quando semo 'ndè a scola de Pearà al Ristorante Ciccarelli: [1]

Qua tuto quel che te vol saver sul ristorante Ciccarelli: [2]