Ristorante San Marco a Caprino (VR)

Dopo un aperitivo al Cet, sercava un posto per magnar con dei me amici. Però alcuni i volea magnar carne, altri pese. E alora come se fa? Ne fermen al San Marco, in Piassa San Marco a Cavrin.



El Roberto l'è pien de atensioni per i so clienti e el ne conta un saco de storie sul so ristorante. Vegnù dala zona de Venessia con una gran esperiensa sul pese de mar e arivà in una zona otima per le vache e la selvagina, l'ha messo in piè un ristorante elegante con specialità sia de carne che de pese.



Ala fine dela serata el n'ha anca delisià con un cafè de so invension: el cafè venesian. E dele bone graspe (per tuti trane che par quel che guidava).



Ala fine l'è diventà un Amico del Dino: par forsa, el pese l'era ecesionale e la bisteca la se desfava in boca.